Bauks varð ekki buddan geld
Lag Fyrr var oft í Koti kátt
Bauks varð ekki buddan geldbýsn að upp ei þornigagn að múta Griffenfeldmeð gulli og silfurhorni.Klókur hafði' á kóngi takkóngur vildi' h'ann heyra' ájá, heilladísir báru blakaf Bauka-Jóni á Leirá
Heimildir og samhengi
Bauka-Jón Vigfússon, sem dæmdur var 1672 frá sýslu, gengur á fundi kanslara konungs, Griffenfelds, og nær sýknu, þiggur magistersnafn í guðfræði og fái biskupsembætti þegar losni. Talið að 1.000 rd. hafi greitt götu hans og í dánarbúi Griffenfelds fannst silfurbúið nautshorn, fagurlega slípað og skreytt, sem gæti verið sömu ættar (1677). Ekki þótti óhætt að Jón tæki vígslu ytra þar sem vígslugjafar hefðu spurt hann út úr fræðunum, en hann hafði þó reyndar verið tvö ár í Kaupmannahöfn og orðið baccalaureus í heimspeki við háskólann 1666. Foreldra Jóns þessa yngra Vigfússonar er áður að góðu getið 1608, 1643, 1647, 1648.
Kona Bauka-Jóns var Guðríður (~1645-1707) Þórðardóttir prests og ættfræðings í Hítardal, er fyrstur Íslendinga lauk 1629 prófgráðunni attestatus, Jónssonar prests, Hítardal, Guðmundssonar, en móðir Guðríðar var Helga Árnadóttir lm. Oddssonar.
Afkomendur Jóns og Guðríðar hafa margir náð langt á valda- og menntabrautum allt til vorra daga. (1672,1673, 1674, 1690).
(Aðalheimild: Jón Þ. Þór, Bauka-Jón).
Vefurshutterstock.com (opnast í nýjum flipa)