Fara beint í efni
Annálsvert
Um AnnálsvertHafa samband
Höfundur og ábyrgðarmaður: Glúmur GylfasonUm vefinn · Ábendingar · Vefsmíði: Codelab
Allar vísur
  1. Annálsvert
  2. 16. öld
  3. 1595
1595
1595

Þá rektor á Brúarárbakkanum svaf

Hljóðbrot0:00

Lag Draumur hjarðsveinsins

ÞÞá rektor á Brúarárbakkanum svafog beið eftir ferjunni lúinnvalt út í af þreytu og þrúgum á kafog þar með var ævi hans búin.

Glúmur Gylfason · 1595

Heimildir og samhengi

Sauðlauksdalsannáll VI, 385: ,,Drukknaði Sigurður Stefánsson skólameistari frá Skálholti með því móti hann svaf á bakkanum hjá Brúará og valt sofandi í ána".
Öldin 16. segir Sigurð á heimleið úr veislu á Mosfelli hafa lagst drukkinn til svefns á árbakkanum.
Espólín segir hann hafa sofnað á meðan ferjumanninum dvaldist.
Biskujpasögur: ,,reið drukkinn frá Mosfelli, en sofnaði við ána og sveinn hans, Ormur Narfason; valt svo sofandi ofan í ána. Er sagt síra Gísli Einarsson (1596, 1636) væri settur í hans stað til skólameistara. Liðu kennslupiltar hann misjafnt, en biskupinn, herra Oddur ...sá það besta til með honum". (1596, 1636) . Gísli var hálfbróðir Odds biskups.

Ísl. æviskrár: ,,...besta skáld á latínu, kunni söng ágætlega og var málari”.
Þar eru og talin upp nokkur rit og ljóð eftir hann á latínu.
Sigurður var sonur Þorgerðar Oddsdóttur, pr. Gaulverjabæ Halldórssonar ríka á Tungufelli, Hrun., og Stefáns Oddaprests Gíslasonar biskups Jónssonar og k.h. Kristínar Eyjólfsdóttur frá Haga, Barðaströnd, en móðuramma hennar, Ingibjörg Eyjólfsdóttir, var systir Magnúsar mókolls, biskups Skh., en kona Eyjólfs í Haga var Helga Þorleifsdóttir, Björnssonar ríka, riddara frá Skarði, sem enskir drápu að Rifi 1467.
Systir Sigurðar skólameistara var Salvör, móðir Katrínar ríku á (Stórólfs)Hvoli (1647, 1648, 1693), konu sm. Vigfúsar Gíslasonar, en þau foreldrar Bauka-Jóns. (1673, 1674, 1690).

Líkt Sigurði skólameistara fór fyrir öðrum menntamanni, ölkærum, saxi gyrðum, 1728, sjá þar.

Í Nordælu, bls. 97, hrekur Jakob Benediktsson þá ágiskun, að Sigurður Stefánsson sé höfundur latnesku Íslandslýsingarinnar Qualiscunque descriptio Islandiae þó að tímasetningin, um 1589, gangi upp. Jakob fullyrðir að höfundur sé Oddur biskup Einarsson.

AlfræðiWikiwand (opnast í nýjum flipa)

HeimildBækur.is (opnast í nýjum flipa)

Myndir

Einnig frá árinu 1595

  • Móðurafi Magnúsar er
← 1594Að Guðbrandur mátti elta Ara1595 →Móðurafi Magnúsar er