Forlíkuðust fjendur tveir
Lag Yfir kaldan eyðisand
Forlíkuðust fjendur tveirfýsti Odd að hrellaáður varir annar deyrekki tókst sú brella.
Heimildir og samhengi
Við 1695er gerð grein fyrir Oddi Sigurðssyni, ætt og uppruna m.m.
Eftir aldamótin átti vlm. / lm. Páll Vídalín í framastreitu við granna sinn á Þingeyrum, lm. Lárus Gottrup, og naut fulltingis biskups Jóns, frænda síns. En nú fást þeir Vídalínar við lm. Odd Sigurðsson, sem vék Páli frá embætti um tíma 1713.
Jón Aðils: Oddur Sigurðsson, bls. 118n, 127n: ,,Sonur L. Gottrups (fyrrum lögmanns), Jóhann G., og lögsagnari (og aðstoðarmaður föður síns, sýslumanns í Húnavatnssýslu til 1716 og klausturhaldari Þingeyra til dd. 1721), var versti óvinur Odds".
Jón biskup Vídalín skrifar til lm. Páls Vídalín: ,,Ég ætla að Jóhann Gottrup gæti í þessu mikið gert ef hann vildi...en ég vil biðja þig að leggja Gottrup ráð hvernig að því skyldi fara...”.
Þarna eru Vídalínar að leita gagnvitna um framkomu og munnsöfnuð biskups í ,,visitasíunni” á Narfeyri 5. sept. 1713, sem báðir aðilar hafa kært.
Nú neyðast Vídalínar til að brjóta odd af oflæti sínu og vingast við Jóhann Gottrup í þeim tilgangi.
Af nefndu bréfi og öðrum sést að Jón leitaði jafnan ráða hjá Páli um hvað eina í deilunum við Odd - en nú á biskup skammt eftir ólifað.
Altaristafla Þingeyrakirkju og fleiri góðir munir hennar eru frá Lauritz Gottrup komnir.