Fara beint í efni
Annálsvert
Um AnnálsvertHafa samband
Höfundur og ábyrgðarmaður: Glúmur GylfasonUm vefinn · Ábendingar · Vefsmíði: Codelab
Allar vísur
  1. Annálsvert
  2. 16. öld
  3. 1579
1579
1579

Niðurlendingar náðu sér

Hljóðbrot0:00

Lag Dvel ég í draumahöll

NNiðurlendingar náðu sérniðri á víkingonumbrömluðu vestra og börðu hérog brutu á ungum konum.Verst fór Eggert út úr þvíallt varð líf hans brekkaer þjakaði sorgin, þung sem blý,þá fór hann að drekka.

Glúmur Gylfason · 1579

Heimildir og samhengi

Margs hefur verið getið til um hvaðan þeir voru sem rændu og rupluðu á Patreksfirði og 30/6 á Saurbæ á Rauðasandi er þar bjó f.v. lm., Eggert Hannesson (~1516- ~1583) sem greiða mátti lausnargjald fyrir.
,,Niðurlendingar" nær yfir fyrri tilgátur og vísar til þess að á víkingatíma herjuðu Norðmenn suður með strönd evrópu og t.d. þóttist Egill Skallagrímsson hafa tekið þátt í því og gert það gott.
Í Sögu Íslands VI, 159 eru Englendingar bendlaðir við rán þessi enda rændu þeir samsumars í Færeyjum. Væri svo, þá ættu þeir líka harma að hefna segðu þeir sem trúa því að Njálssynir hafi ásamt Kára haldið í víking á þeirra slóðir og orðið gott til fanga.
Yrði byrjunin þá: Enskir núna náðu sér / niðri á víking...
Breskir höfðu áður gert íslenskum að greiða skuldir víkinga bæði heima og erlendis. Tóku tvö íslandsför við Suðureyjar 1332, skip Björns Þorleifssonar og Ólafar 1466, og rændu og rupluðu víða á Íslandi eftir að þeir tóku að stunda hér veiðar, t.d. 1424 á Bessastöðum og nyrðra og er þá fátt eitt talið.

Eftir ránið flutti Eggert til Hamborgar og lést þar úr drykkju ~1583, en dóttir hans, Ragnheiður, flutti með manni sínum, sm. Magnúsi prúða Jónssyni, til Saurbæjar, Rs. Hann lést 1591, en hún lifði ekkja í hálfa öld, d. 1642. Ragnheiður var 2. kona Magnúsar.

Vefurwikiloc.com (opnast í nýjum flipa)

MyndbandYouTube (opnast í nýjum flipa)

Frá árinu 845 t.o.m. 994 eru til þýskar heimildir um ránsferðir skandinavískra víkinga þangað - segir Der Spiegel Geschichte nr. 5, 2022, bls.43-44.
Víkingar rændu bæði verðmætum og fólki, sem látið var laust gegn háu gjaldi, sem safna mátti á stóru svæði ef um æðristéttarpersónu var að ræða.
Fæstir gátu keypt sig lausa en voru boðnir upp á þrælamörkuðum og/eða enduðu þannig í víkinganýlendunum á N-Atlantshafseyjunum einkum Íslandi. Húsbændur eðluðu sig með kvenþrælum enda eru um 63% íslenskra kvenna með skosk eða írsk erfðaefni.
Í ránsferðum allt til Miðjarðarhafs, voru þúsundir slíkra norðurevrópskra gísla árlega seldar til þrælkunar í Egyptalandi, Miklagarði og Bagdad á meðan víkingaöldin stóð. Myntir grafnar úr jörð á Norðurlöndum eru meðal gagna sem styrkja þessar ályktanir Der Spiegel og heimildarmanns blaðsins, sem er forstjóri víkingasafnsins Haithabu í Schleswig, M. S. Toplak.
Allar aðfarir víkinga voru hinar sömu og þeirra sem rændu á Íslandi 1579 og 1627.

Myndir

Einnig frá árinu 1579

  • Kóngur þarfar bjargir bringar
← 1579Kóngur þarfar bjargir bringar1580 →Byssur fengu sýslur sex