Fara beint í efni
Annálsvert
Um AnnálsvertHafa samband
Höfundur og ábyrgðarmaður: Glúmur GylfasonUm vefinn · Ábendingar · Vefsmíði: Codelab
Allar vísur
  1. Annálsvert
  2. 19. öld
  3. 1894
1894
1894

Jóhannes Nordal fimbulfrost

Hljóðbrot0:00

Lag Farðu að sofa - Bj.Þ. 831

JJóhannes Nordal fimbulfrostfær með ís og salti.allan má nú kæla kost.Klífur Eldey Hjalti.

Glúmur Gylfason · 1894

Heimildir og samhengi

Árni Óla, Strönd og Vogar, 112, segir frá frumkvöðli síldveiða til beitu um 1880, Helga Ívarssyni, Flekkuvík á Vatnsleysuströnd.
Vandi hafi verið að geyma síldina, sem veiddist aðeins á vissum árstíma. ,,En svo stofnaði Tryggvi Gunnarsson Ísfélagið við Faxaflóa 1894 og fékk Jóhannes Nordal frá Ameríku til þess að koma upp frystihúsi í Reykjavík. ...veidd síld í lagnet í Rauðarárvík og inni í Sundum handa íshúsinu”.
Ís af Tjörninni í Rvk. var eftir þetta fluttur m.a. til húsa Ísfélagsins við Faxaflóa á baklóð Hafnarstrætis 23 og Tjarnargötu 12, Tjarnarbíó, frá 1913, auk Ísbjarnarins við Skothúsveg frá 1905 og Herðubreiðar við Fríkirkjuveg, 1916, nú Listasafn Íslands.

Þórarinn Olgeirsson, Sókn á sæ og storð, bls. 38: ,,...þegar kom fram yfir jól var stundum hægt að komast í vinnu við ístöku á Tjörninni ...þegar hann var orðinn um 12 þumlungar á þykkt. Var hann þá höggvinn í stór stykki. Fyrir að draga eitt slíkt ísstykki af Tjörninni og upp í Íshúsið hjá Jóhannesi Nordal, en það var austan við Zimsensbúð, fékk maður 5 aura. En til þess að þræla 60 stykkjum heim í íshús og fá 3 krónur yfir daginn varð vinnutíminn að vera langur og hvíld helst engin". (25 aurar á tímann við útskipunarvinnu um aldamót skv. Þ.O.).

MyndbandYouTube (opnast í nýjum flipa)

Þessi, þá nýja kælitækni, kippti fótum undan sauðasölu á fæti til Breta 1896.
MyndFlickr (opnast í nýjum flipa)

HeimildTímarit.is (opnast í nýjum flipa)
Á ofanritaðri slóð má lesa um að Tryggvi Gunnarsson lét Verslunarmannafélag Reykjavíkur, sem hann var formaður fyrir, stofna Ísfjelagið eftir að hafa kynnt sér kælitæknina á fyrirlestri C. F. Drechsel, sjóliðsforingja og ráðgjafa stjórnarinnar í slíku. Einnig hjá Ísak Jónssyni sem eins og Jóhannes Nordal hafði unnið í N-Ameríku þar sem kjöt var flutt í ís eftir járnbrautum. Tryggvi réð svo Jóhannes sem forstjóra Ísfélagsins.

Hjalti Jónsson, Eldeyjar-Hjalti (1869-1949), síðar skipstjóri í Rvk., kleif Eldey fyrstur við þriðja mann.
Sögu Eldeyjar-Hjalta ritaði Guðmundur Gíslason Hagalín.
FréttRÚV (opnast í nýjum flipa)

Á neðanskráðu netfangi má sjá Ísbjörninn, ístökuhús Thors Jensen, byggt 1905 sem skrauthýsi við SV-horn Tjarnarinnar, til að vera í stíl við Tjarnargötuhús yfirstéttarinnar, er haft eftir eigandanum.

HeimildSarpur (opnast í nýjum flipa)

Vefurnutiminn.is (opnast í nýjum flipa)

Jón Þ. Þór fjallar ítarlegar um kælitækni þessa, framkvæmd og forkólfa í Ránargulli, bls. 128.

Íshús Nordals sést í neðra horninu til hægri þegar neðanrituð slóð hefur gengið í 51 sekúndu.

FréttRÚV (opnast í nýjum flipa)

Myndir

Einnig frá árinu 1894

  • Rýmkast vistarbandsins bann
← 1894Rýmkast vistarbandsins bann1895 →Hjálpræðis- boðar herinn trú